2/1 علمـي

 

السـلام علـيكم ورحمـه الله وبركـاته

 

.
.

 

 الـيوم رحلتنـا ح تكـون مع كائنـات حُـكم علـيها مسبقاً بكـل أنواع التعـذيب الممكنـة والمستحيـله

 

 

 

[ بنـات ثاني ثـانوي علمـي ]

 

انـا عارفه ح تقولوا لا وكـيف وثالث اصعـب وهيـك بس خليـكم معايا ..

 

دحـين زي ما انتوا عـارفين بنـات ثـاني زي ثـالث .. نظـام تراكمـي .. 30% من النسبـه .. مستوى صعـوبة المـواد

 

وكـل شئ

 

بس الفـرق ..

 

 انه ثـالث لهم وجههم واحنـا يا حراام .. احنـا والجـدااار واحـد  

وهـذا لأنه المجتمـع تعود على انـه ثالث تتحـدد النسبـة

 

فـ عشـان كذا اعطوهـا اكبر من حجمهـا .. حتـى لمـا ثـاني صـار فيهـا تحـديد نسبة وتراكمـي وهيـك

 

فيـاا حسرتـي على نفسنـاا <<<<<

 

المهـم ..

 

انا هنـا ابغـى اقـولكم على مقتطفـاات من سنتنـا اللي عانينـا فيهـا

 

ولكـم الحـكم انتـوا سـواء مظلومـييين احنـا ولا لا

<1>

 

طبعـا اول صـدمة كـانت مشـروع تطوير اللي قـالوا ح ينفـذوه بالمدرسه وهيـك وركـزووا .. تطووووير مو النظـام المطور

وآآآآآآآه من تطـوير ومن هالمشـرووع

المشـروع كان يعتمد كثير ع النشاط اللاصفي فقـالوا النسبـة ح تكـون 60% ع النشاط والباقي ع المناهج والاكزامات زي المعتـاد

تحمسنـا مع الشغله وكـررررررررف بالنشـاااط حتى مـوادنا اهملنـاها وطبعـا الـدرجااات بالارض ..

تخيـلوا بعد ما مـر شهـرين ثلاث واحنا شغـالين بالنشـااط

 قـالوا وبكل فخـر وفـرح يا بنـااات ترا ما نزل قرار رسمي انه النشاط عليه درجات

لكـم الحكـم >>

 

<2>

 

تحطـيم المعلمـات ..

  تخيـلوا لمـدة شهـرين كـاملة ومن اول اسبـوع والمعلمـات بس تحـطيييييييم فينـا وتهزئ ع الآخر

ويوميـاً كـان لازم نسمـع دا الموال ..

بنـات فصلكم مـرررره نايم مررره كسلاان مررره خامل تعلمـوا من 2/2 شـوفوا النشـاط والهمـه فيهـم

  تخيلـوا بالله يومياً على هـذا الموال .. 

وواللللللللللللللللللله العظـيم انه احنـا نـاس كويسه وشطـووره بس شطـارتنا ع الهـادي <<<

 

<3>

 

المنـاهج ومـا ادرااااك ما المنـاااهج ..

طبعـا لكـم انتـوا القرار بالحكـم على المنـاهج

 عني صعووبة .. تعقيـد .. معلومـات غلـط .. أشيـاء مالها داعـي .. كتب وضعـت لتعقيدنـا فقط ..

 لنـا الله بس

 

<4>

 

الاختبارات

 الــخ ...   

طبعـا احنا اجتهدنـا والحـق يُقـال .. حتى الكسـلانين شـدوا حيلهـم

بس والله صرنـا كـذا  من الاسئـله اللي جـات ..

يعني والله مـرررره ما توقعناها كـذا وما توقعنـا نفسنا مـراح نجـااوب كـذاا

ومو عـارفين السبب شـوو  بالضبـط  وصَدْمتنـا بنسب التـرم الاول اسوأ واسوأ

احبـاط وتحطـييم صابنـا منهـا  .. ونص المـدرسة نقـلت الترم الثـااني من الاحبـاط اللي صـار

 

<5>

 

عـامل الضغـط والذي يؤثـر بدرجـة كبيره جـدا جـداً في عنـاصر العلمـي  .. خصـوصا اذا توافـرت مقومـات كثيرة

يعنـي والله ياهـو اتعـب وانا اقـولكم قد ايـه انضغطنـا وقـد ايه تعبنـا ..

يعني تخيـلوا الوضع .. كنا كل يوم من حصة فيزياء لرياضيات لكيمياء لاحياء والله تجي الفسحة  واحنا منتهيييييين خلااص

طبعا حصص الفراغ هذي ابداً ما كنـا نعرفهـا .. الا نـادرا جداً ..

الفسحة يؤؤؤؤؤؤ متى آخر مـره حسيت اني بفسحة ؟؟!! مادري والله

هيا كلها 13 دقيقة  .. 7 دقايق تنأخذ للحصة الرابـعة .. حتـى تنـزلي المقصف وتحـاااربي فيه وتشتري 5 دقايق

بقـي لكـي دقيقة حتـى تطلعـي الفصل وتدخلـيه وتتجهـزي للحصة اللي بعدها

ايام الامتحانات الدورية  .. امتحان ورا امتحان امتحان ورا امتحان وعلى هذا الحال باقي السنة

تخيلـوا حتى فتـرات نقاهه وراحـه مافي .. حتى كل المدرسة شهدت انه ثاني علمـي مضغوطـين ومأكول حقهم ورربي

 

<6>

 

المـشاااريع

يالله على ايـاام المشـاريع وتطبيقهـا

حتى تشـوفوا الظـلم تمام .. تخيلوا احنا فصلين ثواني علمي بالمدرسة طيب

طبعا مشروع تطوير كمان يعتمد انه التعليم يكون عن طريق الطالب بحيث انه هوا يشرح الوحدة بكاملها

 اما ببلشر او عرض باور او موقع ويب ..

المهم ..

احنا  طبقنـا مشروع رياضيات - احياء - كيمياء - انجليزي - فقة .. بـ شهـر واحد بس

 خمسـه مشاريع كل واحـد يرمي الثاني من صعـوبته

غير انه احنـا انضغطنا بمـدة قليلة حتى نطبق المـشاريع اللي يقهـر بزيادة

انه بنات ثوالث ما طبقـوا ولا مشرووع وبنـات اولى بس مشروع واحد

هيا بالله اش تسـوووا من القهـر

ولااااااا ازيدكم من الشعر بيت ..

وعدونا انه الوحدات اللي نطبق فيهـا المشروع ما تدخل معانا بالامتحان النهائي

وتخيلوا بالله بعد التعب دا كلوو وسهر اللياالي ...

[ تدخل معانا بالامتحـان ]

 

.
.

دي بعض المقتطفات البسيطة جدا اللي صارت معانا وتكون دليل قاطع على تعذيب بنات ثاني علمي

 

ها قـولوا اش رايكم بحياتنـا المدرسيه الكـووول

 

بس والله يا بنـات مع ان صح تعذبنا وهلكنـا بمعنى الكـلمة دي السنة

 

انا بحـياتي كلهـا ما انبسطت قد دي السنـه

 

سواء من مواقف ولا صحبات ولا اي شئ

 

يعني بجد سنة ابدا ابدا ابدا ما تتعوض لو اش يصير

 

.
.

 

طبعا زي كل مدرسة لازم فيه مسـابقات الفصـوول واحـلى فصل وهيـك

 

احنا بالبـداية مرره ما اعطينـا بـال  ابداً  وما كنـا ناويين شئ عليهاا

 

بس كمـا هو متوقع من حبيبة قلبي  مـوون

 

قعـدت تحمسنا وتحفزنا وبنات لازم نثبت نفسنا وكذاا  والله وتحمسنـا وبـدينا نجتمع ونقرقر بالفصل وكذاا

 

وعـدت الايام والايام حتـى جا يوم الاحـد  .. الـيوم المقرر لاختيار احسـن فصل

 

واحنـا على اعصابنا وبنت رايحة وبنت جاية ومرره كـانت ايام حمـاس وحلـوه وما تتعوض جد

 

وتخيـلوا كل اللي ح تشوفوه عملنـا وعلقنـااه بيـوم واحد بس

 

هـذا كـان نتـاج عملنـا .. طبعا ثلاث اربـاع الفصل من يـد رئيستنا الموقـرره / مـوون

 

 

جدولنـاا العـزيز

 

 

أسمـاءنا على شكـل مركبـات كيميائية

 

 

سماء المصفـوفـات

 

 

شبابيكـنا

 

تركيبنـا الجيني

 

 

وهنا صورة تبين السبورة بين تركيبها وجدولنا :$

 

 

زاوية من الفصل

 

 

.

.

 

دا فصلـنا الحبيب .. واللي عمـري مراح انسـى ايامي بيــه

 

وجـا يوم اعـلان الفائـزيين .. وكمـا هـو متـوقع .. المـركز الاول كـاان لنا

 

 

وفرحنـاا مرررررره وطبعـا مديرتنـا الحبيبة قـالت قبـل انه الجائزة

 

امـا رحلة او يوم مفتـوح او مادية او اي شئ نطلبه بحدود المعقول

 

احنا قلنـا رحلة .. وياللللللللللله ع الحوووسة اللي صارت

 

وكل مره تتأجل وتتأجل وتتأجل حتى جا الترم الثاني واحنا ما اخذنا جائزتنا

 

 

  المهم  .. اوصل لصلب موضوعي << انتي ما وصلتـي لسه

 

غيرنـاها وخلينـاها يـوم مفتـوح ونفس الشئ يتأجل ويتأجل .. يتأجل ويتأجل

 

 

حتى جا والحمدلله .. كـان مقرر يوم الاربعاء 26-4-1430هـ / 22-4-2009م

 

طبعا كل المدرسة غايبة الا فصلنا الحبيب وكم بنت من اولى وشلتنا العزيزة من الفصل الثاني

 

والله الحق ينقال كان شبه يوم مفتوح  .. تخيلوا اخذنا حصة كيمياء ورياضيات

 

 يعني حتى بيومنا ضغط

 

مو مشكلله اهم شئ ننبسط

 

وكنـا نـاويين كبت السنة دا كلـو نطلعـوا بدا اليوم فـ لحـد يلومنـا ويوقفنـا ابداً

 

  والله يا حلوين دقت الساعه 9 وبدأ يومنـا

 

فلـه × فلــه × فلــه

 

مرره انبسطنا هبلنا وضحكنا واتريقنا وما خلينـا بقلبـنا شئ ما عملنـااه

 

كل حاجة وكل هبالة سوينـاها  .. المدرسة بكبرها كـانت لنا

 

اساسا بجـد اللي يشوف اللي عملنـاه يقولوا دولا مو بس انضغطوا ترم الا سنييين وسنين انضغطوا

 

بدا يومنا بجلسة حريم كبار وحلا وقهوة وهرجة من هنا وهنا

 

 وهـبل كم بنـت وكركرة وضحـك .. وعشـان مافي مفـارش احترنـا ايه نعمل وفيـن نجلس  ..

 

ومنقذتنا ورئيستنا الحبيبة بمسـاعدة عضوة  سطت على فصول الادبي وسرقت مفـارش الطـاولات حتى نجلس عليها

 

 

 

ودي أنا مع نصيبي من البساكيت

 

 

خلصنا اكل وحش بخـلق الله قمنـا وبدت فقـره الالعـااب  .. في البـداية لعبنـا احكـام واسئلة وجو كم ابلة شاركونـا الضحك شوويا

 

وطبعا يا حرام فيه كم بنت اكلت عـلى رااسها

 

وبعدهـا سوينـا حفلـه روك اند رول بالمسرح ودق وررقص وهبـااال ع الاخـر

 

 

انا شكـلي صـار كـذاا ..

 

بعدها طلعنـا فووق الفصـل وكان المنظـر واااااااااااااه

 

مجمـوع بيلعـبوا كلاودي ومجمـوع اونـو ومجمـوع شطرنج  .. وكان المنـظر هـووس

 

 

 

طبعـا في هذه الاثنـاء انا وحبيبة قلبي نهـوود  بدت فقرة الاوبـراا عندنــاا ..

 

وطلعـت طبقـات الصـوت الرااقيـة لدرجـه انهـا وصلت لآذان المعلمـاات  واثنـوا على طبقـااتنا الصـوتية العالية والحـادة ..

 

 

بعـدين صرنـا نلعـب بعـلب الموية ومين يرميهـا عالي وهيـك 

 

   والمعلمـات ما يشوفوا الا اشياء تتطــااير من قـداام غرفهم

 

طبعـا فقرات الهبل والاستهبـال تخللت كل الفقـرات .. وما قلتلكم الا شئ بسيــط من اللي صـاار

 

لـييكم كم بيكتشـر لينـاا

 

 

 

 

 

 

..

 

جـات  الساعة 12 وودعنـا بعض بعد مااخـذنا طـرردة مرره محترمــه ..

 

لمـينا قشنـا واغراضنـا ونزلنـا تشمسنا شوويا بالشمـس

 

وكل بنـت راحت بيتهـا وبحـال سبيلها

 

وتوتة توتة خلصت الحدوتــه

 

وبكـذا انتهـى احـلى واروع يـوم بحيـاة ثـاني علمـي /1 والله يعيـده علينـا يارب ويتكرر

 

 

حبيـت تشاركـونا بهالـيوم واخـلده بمسـاحتي ..

 

 ورسـالة حبيت اوصلهـا لكم ..

 

 انـه بنـات ثـاني علمـي  فيهم نقـص عاطفـة وحنان فوق تصـوركم

 

فادونـا وجه ياهـووو

 

.

.

 

نشـووفكـم ان شالله بيـوم تـاني واحـلى بكتـيير من هـذاا